CANNAVARO MAJANGA TU, ATEMWA TIMU YA TAIFA ZENJI

Kama majanga vile yanamuandama, maana huku safu ya ulinzi ya Yanga ikituhumiwa kuwa nyanya kwa kuruhusu mabao matatu kutoka kwa Simba, Nadir Haroub ‘Cannavaro’ ametemwa timu ya taifa ya Zanzibar.

Yanga ilitangulia kwa mabao matatu dhidi ya Simba jana, lakini Myama akasawazisha yote katika kipindi cha pili huku Cannavaro, Kelvin Yondani, Mbuyu Twite wakionekana kushindwa kuzuia walioruka vichwa na kufunga.

Pamoja na kuwa nahodha, Kocha Seif Baus ametangza kikosi na kumtema Cannavaro.

Taarifa zinaeleza huenda kocha huyo amemuacha Cannavaro baada ya gazeti moja kuandika likimkariri akisema yeye ni msimamizi wa mazoezi.

Hata hivyo, Cannavaro amekuwa akikanusha kuzungumza na mwandishi wa gazeti hilo.

Pamoja na kumuacha Cannavaro, Bausi amemuacha mkongwe Abdi Kassim na beki wa kati wa Azam FC, Aggrey Morris.

Soon Salehjembe itakuletea kikosi kizima cha Zenji kilichoitwa na kocha huyo.