SIMBA YATUA TANGA, CHANONGO, HUMUD WAACHWA, WATUPWA SIMBA B

  

CHANONGO (KULIA)

Kikosi cha Simba kimetua mjini Tanga huku viungo Haruna Chanongo na Abdulhalim Humud wakiachwa jijini Dar.

Sasa imebainika kwamba Humud na Chanongo ndiyo wanaotuhumiwa kushindwa kucheza katika mechi dhidi ya Yanga ambayo Simba ilisawazisha mabao matatu baada ya Kocha Abdallah Kibadeni kuwatoa.

Ingawa Kibadeni hakutaka kuwataja, lakini aliangusha tuhuma kwamba kuna wachezaji wanaihujumu timu hiyo.

“Simba imefika Tanga kwa ajili ya mechi ya Coastal Jumatano, lakini Chanongo na Humud wameachwa jijini Dar na wametakiwa kuanza mazoezi na Simba B,” kilieleza chanzo.

Kuhusu hilo, Kibadeni alisema: “Nitawataja tu, nitafute ila nikuhakikishie kuna tatizo.

“Niliwaambia kuwa kama wametaka kuipa Yanga mabao, basi hizo tatu zinatosha na wanafanya makusudi kutofanya kazi.”