Kiungo wa AS Cannes ya Ufaransa, Shomari Kapombe,
amebakiza siku saba kabla ya kurejea uwanjani na kuanza mazoezi.
Mmoja wa watu walio katika Kitengo cha Afya cha AS
Cannes ambaye hujitambulisha kwa jina moja la Pierre, amesema kuwa Kapombe
ataanza mazoezi ndani ya siku saba.
“Anaendelea vizuri sana na mategemeo ni kuanza mazoezi
ndani ya siku saba, hata hivyo atakuwa akifanya taratibu kwanza kabla ya
kuungana na wenzake.
“Hatutamruhusu afanye mazoezi magumu, lakini anaweza
kucheza na wenzake kama watakuwa katika kipindi cha mazoezi ya kawaida,”
alisema.
Kapombe alifanyiwa upasuaji wa kidole cha mguu ikiwa
ni takribani wiki tatu tu baada ya kujiunga na timu hiyo inayoshiriki Ligi
Daraja la Nne nchini Ufaransa.
Kwa sasa timu hiyo inashika nafasi ya tatu katika ligi
hiyo ikiwa na pointi 16 nyuma ya Monaco 2 na vinara Marseille Consolat, kila moja
ikiwa na pointi 19.
0 COMMENTS:
Post a Comment