MANJI AWAVUTA KANDO CHUJI, CANNAVARO

Mwenyekiti wa Yanga, Yusuf Manji alitumia zaidi ya dakika 10 akiteta pembeni na manahodha wawili wa kikosi cha Yanga.

Manji ambaye alifika kwa kushtukiza wakati Yanga ikifanya mazoezi katika Gym ya Rio katika jumla la biashara la Quality Centre alitumia muda huo kuzungumza na Athumani Idd ‘Chuji’ na Nadir Haroub ‘Cannavaro’.

Muda mwingi mwenyekiti huyo alionekana kufafanua jambo wakati akizungumza na manahodha hao.

Baada ya mkutano huo wa kushtukiza, Cannavaro na Chuji walijibu kifupi kwamba walikuwa wanazungumzia masuala ya klabu tu.

“Mambo ya kikosi na klabu kwa ujumla,” alisema Cannavaro.

Naye Manji alisema: “Mambo yetu ya ndani ya Yanga, sidhani ni vizuri kuyaweka kwenye vyombo vya habari. Mimi ni mwenyekiti na pale nilikuwa nazungumza na manahodha.”