BAO LA SAMATTA LAIPELEKA KILI STARS ROBO FAINALI CECAFA

Kikosi cha Kilimanjaro Stars kimefuzu hatua ya robo fainali ya michuano ya Kombe la Chalenji kwa kuitwanga Burundi kwa bao 1-0.

Mshambuliaji Mbwana Samatta ndiye aliifungia Stars bao hilo pekee katika dakika ya 7.

Samatta na Thomas Ulimwengu wamejiunga na Stars juzi wakitokea DR Congo wanakoichezea TP Mazembe.

Stars ilianza mechi ya kwanza kwa sare ya bao 1-1 dhidi ya Zambia, kabla ya ushindi wa kwanza dhidi ya Somalia ambayo waliilaza kwa bao 1-0.

Kwa ushindi wa leo maana yake Stars imefikisha pointi saba ambazo ni uhakika kwenda katika hatua ya robo fainali.