SURE BOY, MORAD WAMCHELEWESHA MCAMEROON WA AZAM

Kocha Mkuu wa Azam FC, Joseph Omog, juzi na jana alianza kazi kwa kukutana na viongozi wa benchi la ufundi la timu hiyo na kuwaona baadhi ya wachezaji, lakini akashindwa kufundisha, sababu kubwa ikiwa ni Salum Abubakar ‘Sure Boy’, Said Morad na wachezaji wengine ambao hawapo na timu hiyo.

Omog amesema amewaona baadhi ya wachezaji wa timu hiyo na ameridhishwa na viwango vyao, ikiwa ni pamoja na kufanya kikao na benchi lake la ufundi, lakini hataweza kuanza kufundisha rasmi mpaka nyota wote watakapokamilika.

Omog, raia wa Cameroon, amesema anataka kuanza kazi baada ya nyota wote kukamilika, ambapo atawasubiri nyota waliopo katika Michuano ya Kombe la Chalenji; Sure Boy, Morad, Aishi Manula, Farid Mussa, Erasto Nyoni, Ismail Gambo, Himid Mao na Joseph Kimwaga waliopo katika kikosi cha Kilimanjaro Stars pamoja na Khamis Mcha na Waziri Salum ambao wapo na Zanzibar Heroes.

“Nimewaona wachezaji wakifanya mazoezi lakini walikuwa ni baadhi tu, lakini pia nimekutana na benchi la ufundi tukazungumza kidogo, tumetambuana lakini sikufanya lolote katika kufundisha leo (juzi),” alisema Omog, beki wa zamani wa Cameroon huku akiongeza kwa kusema:

 kusainii kwa kusema:"anataka kubaki hapa lakini kilichochelewsha asisaini mpaka sasa ni kutokana na

“Bado wachezaji wote hawajakamilika, ni vyema nikakutana na wachezaji wote kwanza na baada ya hapo ndipo tukaanza kazi yetu rasmi, hawa waliopo katika michuano ndiyo watakaotuzuia kuanza mapema lakini nafikiri mpaka wiki ijayo tunaweza kuanza.”

SOURCE: CHAMPIONI