WACHEZAJI WAMVAMIA RONALDINHO WAMVUA HADHARANI

RONALDINHO AKIVULIWA VIATU HUKU AKIWA AMETULIA TULI

Wachezaji wa Raja Casablanca wametoa kali ya mwaka baada ya kumvua viatu na jezi kiungo wa tletico Mineiro, Ronaldinho Gaucho.

Wachezaji hao wa Raja, mara baada ya kufanikiwa kuifunga Atletico Mineiro  kwa mabao 3-1 na kufanikiwa kutinga katika fainali ya Kombe la Dunia la klabu, wakamvamia Ronaldinho.

 

Ronaldinho ndiye aliyefunga bao pekee la Atletico Mineiro kwa mkwaju wa adhabu, wakati anashangaa, mmoja wao alimuomba jezi akampa.

Lakini mara viongozi, wachezaji wakamvamia na kuanza kugombea kukumkumbatia kabla ya wengine kuinama na kumvua viatu.

Wengine walikuwa wanalazimisha kumkumbatia muda mwingi zaidi zaidi huku wakisubiri.

Raja sasa itacheza fainali dhidi ya Mabingwa wa Ulaya, Bayern Munich ya Ujerumani.