KOCHA AZAM FC ATOA MISTARI YA KUTOLEWA MAPINDUZI

OMOG SIKU ALIPOKABIDHIWA MIKOBA YA KUINOA AZAM FC, KULIA NI MWENYEKITI WA KLABU HIYO, MZEE SAID

Kocha Joseph Omog wa Azam FC amesema kikosi chake bado kina nafasi ya kufanya vizuri kwenye Ligi Kuu Bara.

Omog raia wa Cameroon amesema kutolewa kwenye michuano ya Mapinduzi kunaweza kuwa faida kubwa kwao kwenye Ligi Kuu.

“Kama umekosea na ukakubali na kujifunza, basi unakuwa bora sana, sisi tunalitegemea hilo.

“Tukitumia njia hiyo vizuri, basi kuna nafasi ya kufanya vizuri zaidi kwenye ligi,” alisema Omog.

Azam FC ilivuliwa ubingwa wa Mapinduzi baada ya kuchapwa kwa mabao 3-2 na KCC ya Uganda.

Sasa Waganda hao watacheza fainali kesho mjini Zanzibar dhidi ya Simba ambao pia waliwang’oa Waganda wengine URA.