KOCHA MPYA YANGA KUTOKWENDA ZANZIBAR, APUMZISHWA DAR ASUBIRI SAFARI YA UTURUKI

Johannes Franciscus ‘Hans’ van der Pluijm sasa hatakwenda Zanzibar kuiona mechi ya fainali ya Kombe la Mapinduzi kati ya Simba inayowavaa Waganda, KCC leo mchana kwenye Uwanja wa Amaan, Zanzibar.

Awali kocha huyo alikuwa aende Yanga mara tu baada ya kusaini mkataba wa kuinoa Yanga.

Lakini uongozi wa Yanga umebadilisha utaratibu huo na sasa kocha huyo atapumzika jijini Dar.

“Atapumzika hapa Dar maana tumeona ana safari ya kwenda Uturuki kesho.

“Hivyo Uturuki ni muhimu zaidi na hakuna sababu ya kumchosha.

“Kingine hofu kubwa ni kwamba huenda ndege za kutoka Zanzibar kurudi Dar zinaweza kuwa tatizo,” kilieleza chanzo cha uhakika kutoka Yanga.