MATOLA ACHEKELEA WALIVYOWAMALIZA CHUI WA KENYA

Kaimu Kocha Mkuu wa Simba, Selemani Matola amechekelea ushindi wa bao 1-0 walioupata dhidi ya AFC Leopards ya Kenya.

Simba imeanza michuano ya Mapinduzi mjini Zanzibar kwa kuichapa AFC ambayo ndiyo wawakilishi wa Kenya katika michuano ya Kombe la Shirikisho kwa kuichapa kwa bao 1-0 lililofungwa na Amri Kiemba.

Matola amesema ushindi huo umeongeza hali ya kujiamini na wanachotakiwa ni kuongeza nguvu katika mechi zijazo.

“Kwa kuwa tumewafunga  AFC Leopards kila timu itatupania, lakini tumejiandaa na ni jambo zuri sana kuanza na pointi tatu katika mashindano yoyote yale,” alisema.

Kipindi cha kwanza kilikuwa na ushindani mkubwa katika mechi hiyo kwenye Uwanja wa Amaan, lakini Simba ikaingia na kutawala kipindi chote cha pili.

Chanongo angeweza kuifanya Simba iibuke na ushindi wa mabao 2-0 lakini shuti lake liligonga mwamba na kuwa nafuu kwa Wakenya hao.