PONDAMALI ATAMBA MSHAHARA YANGA UNAZIDI MARA TANO ULE WA COASTAL

Kocha mpya wa makipa wa Yanga, Juma Pondamali ametambulishwa rasmi kwa kikosi chake.

 

Pondamali ametambulishwa leo jioni kwenye makao makuu ya Yanga lakini ametoa kali aliposema anapata maslahi mazuri zaidi mara tano ya yale aliyokuwa akipata Coastal Union.

"Niwe mkweli, maslahi ya Yanga ni mazuri sana, inawezekana hata mara tano ya nilikotoka na kweli wameonyesha wanataka nifanye kazi na nitaifanya kweli," alisema Pondamali, kipa wa zamani wa timu hiyo.

Aidha, Aliahidi kutoa ushirikiano kwa wachezaji kuanzia makipa hadi wengine wanaocheza ndani.

Pondamali amechukua nafasi ya Razak Siwa ambaye ametimuliwa pamoja na benchi la ufundi lote la Yanga.

Katika utambulisho huo, Pondamali alisema anajua vizuri uwezo wa wachezaji watakaofanya kazi naye kwa kuwa wageni kwake.