CHEKA, MIYEYUSHO KUPEPERUSHA BENDERA YA TANZANIA LEO

CHEKA AKIWA NA SALEH ALLY....KILA LA KHERI

Bondia Francis Miyeyusho ‘Chichi Mawe’, leo anatarajia kupanda ulingoni kuzichapa na Sukkasem Kietyongyuth katika pambano lisilo la ubingwa huku Francis Cheka akivaana na Gavad Zohrehvand kutoka Iran, ambapo mapambano yote yatafanyika kwenye Ukumbi wa PTA Sabasaba jijini Dar.

Pambano hilo la Miyeyusho litakuwa la raundi 10 na linatarajiwa kuwa na upinzani mkali kutokana na mabondia wote kujiandaa vizuri.

“Maandalizi niliyofanya ni makubwa, hii yote kwa sababu sitaki kuwaangusha Watanzania, kwani hili ndilo pambano langu la kwanza la kimataifa kufanyika katika ardhi ya nyumbani, hakuna haja ya kupoteza zaidi ya ushindi wa K.O,” alisema Miyeyusho. 

Pambano la Cheka linatarajiwa kuwa la utangulizi. Promota wa pambano hilo, Mussa Kova, amewataka wapenzi wa mchezo huo kujitokeza kwenye mapambano hayo ya kihistoria.