BABA AGUERO ATOA SIRI, ASEMA MWANAYE ANATAKA KUMFUATA MESSI BARCA

Baada ya Lionel Messi kupiga ndogondogo klabu ya Barcelona imsajili Kun Aguero, inaonekana mambo yameiva.

Baba mzazi wa mshambuliaji huyo, Leonel del Castillo, amesema mwanaye angependa kuungana na Messi ndani ya Barcelona.

Castillo ameliambia gazeti la Esports COPE mwanaye angependa kwenye klabu hiyo ya Hispania na kuanza kazi.

Aguero sasa ni tegemeo kwenye safu ya ushambuliaji ya Manchester City ambao ndiyo mapingwa wa England.

Barcelona walielezwa kuwa wako tayari kutoa pauni milioni 38 ingawa taarifa nyingine zinasema Man City watatala mara mbili ya fedha hizo.