NKWABI AU KABURU, UBUNGO TERMINAL HATA HAWAELEWI

Wanachama wa Simba kupitia Tawi la Ubungo Terminal la jijini Dar es Salaam, wapo katika mchakato kabambe wa kuwachambua kimyakimya wagombea wa nafasi ya makamu wa rais wa klabu hiyo ili waweze kumpata mmoja watakayemuunga mkono kama ilivyo kwa mgombea wa kiti cha urais, Evans Aveva.

Kwa sasa wanachama hao hawajui wamuunge mkono Swedy Nkwabi au Geofrey Nyange ‘Kaburu,’ katika kinyang’anyiro hicho cha kuwania nafasi hiyo ya Umakamu wa Rais wa Simba.

Mwenyekiti wa Tawi la Ubongo Terminal, Justin Joel, alisema hali hiyo inawapa wakati mgumu kwa sasa lakini baada ya muda watapata jibu juu ya suala hilo.

Alisema hivi sasa wapo katika mchakato wa kuwachambua wagombea hao kimyakimya bila ya wao kujua na mwisho wa siku watampata mmoja watakayemuunga mkono mwanzo mwisho katika uchaguzi huo.

“Nkwabi na Kaburu kila mmoja ana upungufu wake lakini kwa hivi karibuni, tutajua tu kuwa tumuunge nani katika mchakato huo kwani tunataka mtu wa kutuletea mafanikio,” alisema Joel.