MWISHO WA MAPINGAMIZI SIMBA LEO

DOKTA DAMAS NDUMBARO

Leo ndiyo siku ya mwisho kwa wagombea wa Simba kuwasilisha mapingamizi kwa wagombea.

Ndiyo siku inayotarajia kuwa na mapingamizi ambayo yatazua gumzo kwa kuwa baadhi ya wanachama wa Simba wameeleza wazi wanataka kwenda kuweka.

Mmoja wa wanachama wa Simba ambaye amekataa kutajwa jina gazetini amesema wazi kuwa lazima atashuka makao makuu ya klabu hiyo na kuweka pingamizi.

Wagombea 40 wamejitokeza kuwania katika nafasi za rais, makamu wa rais, wajumbe kwa wanaume na wajumbe kwa wanawake.

Katika ratiba iliyotolewa na Mwenyekiti wa Kamati ya Uchaguzi ya Simba, Dokta Damas Daniel Ndumbaro leo saa 10 jioni ndiyo mwisho wa kuwakilisha mapingamizi hayo.

Baada ya hapo, kamati hiyo itakutana na kutoa rasmi taarifa kuhusiana na pingamizi Mei 27.