SALEH AMUWEKEA PINGAMIZI WAMBURA, JULIO NAYE AWAPINGA KAMATI YA UTENDAJI

Kazi imeanza, mapingamizi yameanza ndani ya klabu ya Simba na moja ni lile alilowekewa mgombea wa Urais wa Simba, Michael Wambura.

Wambura amewekewa pingamizi na Saleh Majaba wa Arusha ambaye anasema alifanya kampeni kabla ya uchaguzi.

Majaba ambaye ni mwanachama wa Simba kutoka Arusha amesema Wambura alianza kampeni kabla ya uchaguzi, kitu ambacho si sahihi.

Upande mwingine, Jamhuri Kihwelo ‘Julio’ ambaye ni mgombea wa nafasi ya makamu wa rais amewawekea pingamizi wagombea wote wanaotokea kwenye kamati ya utendaji.

Julio amewapinga Swed Nkwabi ambaye anagombea naye nafasi moja, Ibrahim Masoud Damian Manembe na Said Pamba.

PINGAMIZI ZAIDI, TUNAKULETEA