TAIFA STARS YAICHAPA ZIMABABWE KAMOJA TU

Timu ya soka ya taifa, Taifa Stars, imeibuka na ushindi wa bao 1-0 dhidi ya Zimbabwe.

Mechi hiyo iliyopigwa kwenye Uwanja wa Taifa jijini Dar, leo, Stars ilipata bao lake mapema katika kipindi cha kwanza kupitia John Bocco.

Baada ya hapo, Zimbabwe walibadilika na kuwa moto kwa Stars kwa kipindi chote cha kwanza.

Stars walikosa mara kadhaa nafasi kupitia kwa Bocco, Mbwana Samatta.

Mshambuliaji wa TP Mazembe, Thomas Ulimwengu ndiye alionekana kuwa tishio zaidi kwa Wazimbabwe hao.

Hata hivyo, kipindi cha pili haikikuwa kizuri kwa Taifa Stars kwani kipa Deo Munish ‘Dida’ alilazimika kufanya kzi ya ziada mara kadhaa.

Mabeki Kelvin Yondani, Nadir Haroub, Shomari Kapombe na Oscar Joshua na walipambana vilivyo kuiokoa Stars.

Mechi ya marudiano ndiyo itatoa jibu kama Stars iingie kwenye makundi au la na ngoma itapigwa mjini Harare.