ASHINDA DOLA 960 KWA KUTABIRI SUAREZ ATAMUUMA MTU

Kisa cha Luis Suarez wa Uruguay kumuuma Giorgio Chiellini wa Italia kimemsaidia kijana mmoja kujiingizia fedha zaidi ya dola 900.

Kijana huyo raia wa Norway ambaye ni maarufu katika uchezaji kamali aliamua kuweka kroner 32 sawa na doka 5.30 akitabiri kuwa Kombe la Dunia haliwezi kwisha bila ya Suarez kumuuma mchezaji mwenzake.

Kijana huyo aitwaye Thomas Syversen ameliambia gazeti la Aftenposten kuwa alijua Suarez atafanya hivyo kwa kuwa ni mtu anayepaniki kila mechi inapokuwa ngumu.

Kutokana na dola yake 5.30, yeye alijipania jumla ya kroner 5,600 ambazo ni sawa na dola 960 kutokana na kushinda utabiri huo.