KOCHA ENGLAND AMPANGA ROONEY WINGA, MWENYE 'AMAINDI'

Kocha wa timu ya taifa ya England, Roy Hodgson ameamua kumjaribu mshambuliaji wake Wayne Rooney kucheza kama winga wa kushoto.

Kocha huyo amempanga Rooney katika mechi ya kirafiki dhidi ya Ecuador.

Lakini taarifa zinaeleza, Rooney amewaambia baadhi ya wachezaji kutofurahishwa na uamuzi wa Hodgson.

Mara nyingi Rooney amekuwa akizozana makocha waliowahi kumfundisha kama Alex Ferguson au David Moyes akitaka acheze namba kumi. Amekuwa hapendi hata kucheza namba tisa.

Lakini kocha huyo amejitetea na kusema kwamba Rooney ni mmoja wa wachezaji bora, ndiyo maana aliamua kumchukua.

Hivyo anajua amtumie vipi na kwa kuwa ni mechi za kirafiki, ni kipindi cha kupanga mipango na mikakati.

Rooney ameichezea England mechi 90 na kupachika mabao 38, ni kati ya wachezaji bora.