MOURINHO AFUNGUKA KUWA KWELI WANAMTAKA FABREGAS NA DAU ALITAJA

Wakati ikiwa katika hatua za mwisho kumnasa Diego Costa wa Atletico Madrid, Kocha wa Chelsea, Jose Mourinho amekili kuwa kweli wanamtaka kiungo wa Barcelona, Cesc Fabregas.

Chelsea imetenga dau la pauni milioni 26.8 na iko tayari kumtwaa Fabregas ambaye timu yake ya zamani ya Arsenal pia imeonyesha nia ya kumpata.

Chelsea inaonekana kupania kukijenga upya kikosi chake kwa kuwa imetoa ofa ya malipo ya pauni 200,000 kwa wiki kwa kiungo mshambuliaji wake, Eden Hazard kuhakikisha anabaki darajani.

Hali ilivyo, kama Mourinho atashindwa kuchukua ubingwa msimu ujao, atakuwa amekalia kuti kavu ndani ya kikosi hicho chini ya bosi Roman Abramovich.