COUTINHO AANZA KUONYESHA MABADILIKO MAZOEZINI YANGA

COUTINHO AKICHUANA NA HASSAN DILUNGA.

Kiungo mshambuliaji mpya wa Yanga, Adrey Coutinho, amesema kuonyesha mabadiliko makubwa.

Katika mazoezi ya siku tatu zilizopita, Coutinho amekuwa akionyesha mabadiliko tofauti na awali alivyoanza kujifua na Yanga.

Angalau raia huyo wa Brazil anaonekana kuanza kuizoea hali ya Tanzania kwa kucheza mpira.

Mazoezi ya juzi na jana, Coutinho amekuwa akikimbia na mpira na kutoa pasi, wakati mwingine akichezesha timu.

Hali hiyo imeonyesha kuleta matumaini kwa Wanayanga kwamba Mbrazil huyo atakuwa msaada kwao katika kikosi chao msimu ujao.

Awali alikuwa anaonekana ni muoga, huenda alikuwa akiyasoma mazingira ambayo ameanza kuyazoea.