JULIO AAMUA KUFUNGUKA, AWAITA WOTE WALIOTEMWA YANGA

Katika kuhakikisha anajenga kikosi imara kwa msimu ujao wa Ligi Daraja la Kwanza, Kocha Mkuu wa Mwadui FC, Jamhuri Kihwelo ‘Julio’, amewakaribisha wachezaji walioachwa kwenye timu kubwa zikiwemo Simba na Yanga, kufanya majaribio ya kujiunga katika kikosi chake hicho.

Julio amewakaribisha nyota hao kwenye Viwanja vya Leaders Kinondoni jijini Dar ambapo wale watakaoonyesha uwezo mzuri, watasajiliwa na kuanza kuitumikia Mwadui.

“Naendelea kuwaalika wachezaji wote kwenye mazoezi pale Leaders, timu yangu inajiandaa na msimu ujao, sina ubaguzi, napokea wachezaji kutoka timu yoyote,” alisema Julio.