ANGALIA MAXIMO, JAJA WALIVYOSHANGILIA KAMA VAN PERSIE&VAN GAAL

Kweli raha ya mechi bao, Kocha wa Yanga, Marcio Maximo leo alishangilia pamoja na mshambuliaji wake Jaja baada ya kufunga bao pekee katika mechi ya kirafiki dhidi ya Thika United ya Kenya.

Shangilia ya Wabrazil hao haikuwa tofauti sana na ile ya Waholanzi, mshambuliaji Robin van Persie na kocha wake, Louis van Gaal, wote wakiwa kwenye kikosi cha Uholanzi.

Kama ilivyokuwa kwa van Persie baada ya kufunga akamkimbilia van Gaal na kwenda kugonga ndivyo alivyofanya Jaja kwa Maximo, ingawa tofauti kidogo Wabrazil waligonga kwa mikono yote miwili (kila mtu) wakati Waholanzi waligonga mkono mmoja kila mmoja.