TFF YAMSIMAMISHA KIPA JKT HADI APELEKE VIPIMO

CHOVE

Shirikisho la Soka Tanzania (TFF), limetangaza kumzuia kipa Jackson Chove kuendelea kuicheze JKT Ruvu kutokana na matatizo aliyoyapata.

Chove aliumia na kuzimia kwa takribani dakika 15 katika mechi ya kwanza kati ya JKT Ruvu ilipokuwa ikiivaa Mbeya City mjini Mbeya.

Katika mechi hiyo ya ufunguzi wa Ligi Kuu Bara, timu hizo zilimaliza kwa sare ya bila kufunga.

Rais wa TFF, Jamal Malinzi amesema hadi Chove atakapowasilisha vipimo vyake kwa shirikisho hilo nalo kuviwasilisha kwa wataalamu ili kujiridhisha kama yuko sawa.

“Kitendo cha mtu kuzimia kwa dakika 15 si kidogo, tungependa kuhijirisha.

“Lakini tunawashauri wenzetu wa klabu kuhakikisha wanalizingatia suala la kuwapima wachezaji wao kwa kuwa mchezo wa soka si kitu lahisi,” alisema Malinzi.

Timu nyingi za Ligi Kuu Bara na hata ligi nyingine, zimekuwa hazifanyi vipimo vya uhakika kwa wachezaji wake kabla ya kuanza kwa ligi hiyo.