BIN SLUM ASEMA AMEFIKISHA MABAO 2,000, ZAIDI YA YALE YA PELE!

Mshambuliaji nyota wa timu ya Al Nasir, Nassor Bin Slum amejigamba kuwa amefikisha mabao 2000.

Bin Slum ambaye ni tegemeo kwa upachikaji mabao kwenye kikosi cha Al Nasir pale Tambaza jijini Dar, amesema akipiga hesabu ya mabao ambayo amefunga, basi anafikisha idadi hiyo ambayo inazidi yale aliyofunga Pele wa Brazil.

Amejigamba bado ana uwezo wa juu wa kupachika mabao kama washambuliaji kadhaa nyota, mfano akimtaja Mario Balotelli wa Liverpool.

Ingawa Balotelli anaonekana 'amefulia', Bin Slum anaamini itafika siku ataanza kuonyesha cheche zake.

Bin Slum pia aling'ara katika kikosi cha Team Ismail wakati wa Tamasha maalum lililoandaliwa na Group la Facebook la Kandanda na Team Ismail ikawavaa Team Dizomoja katika mechi hiyo.

Hata hivyo, Bin Slum hakuweka wazi hayo mabao yake 2,000 ameanza kuhesabu kuanzis chandimu au ndondo au zile za mabonanza tayari akiwa veterani!