JIKUMBUSHE LOGARUSIC MWEUSI ALIYEIBUKA SIMBA NA KUPIGA JOB BILA RUHUSA YA UONGOZI

 

Hii ilitokea na haikuwahi kuandikwa, siku moja tu baada ya Simba kumtupia virago Kocha Zdravko Logarusic, akaibuka kocha mwingine.

Kocha huyo ni shabiki wa Simba aliyekuwa amezoea kwenda mazoezini na kuona Loga raia wa Croatia alivyokuwa anafanya mazoezi yake.

Taarifa za kutimuliwa kwake zilianza kusikika jioni na siku iliyofuata.

Hivyo inaonekana shabiki huyo alijiandaa mapema akijua asingemuona Loga, hivyo angefanya kazi hiyo yeye bila ya ruhusa ya uongozi.

Jamaa huyo, inaonekana alikuwa amepiga ‘maji’ ili kuongeza ujuzi na alipofika kwenye Uwanja wa Ununio, kweli hakumuona Loga badala yake Kocha Msaidizi, Selemani tu. Jamaa huyo akaamua kuchukua nafasi ya ukocha mkuu na kuanza kutoa maelekezo.

Raha ilikuwa zaidi pale jamaa alipokuwa akifanya matendo kama yake ya Loga, halafu usisahau jamaa naye ana kipara kama Loga, basi watu walikua wanaangua vicheko. Hata wachezaji wakati mwingine walishindwa kujizuia.