MASAU BWIRE SASA AWAAMBIA SIMBA UKAWA WAMEINGIA CHAKA

MASAU BWIRE.

Msemaji wa klabu ya Ruvu Shooting, Masau Bwire amewaambia wanacgama wa Simba wanaojulikana kama Simba Ukawa kuwa wamepotea njia au kuingia chaka.

Simba iliyotoa mechi sita mfululizo za Ligi Kuu Bara, itakutana na Ruvu Shooting katika mechi yake ya saba ya ligi, Jumapili.

Bwire amesema Simba ukawa wamekuwa wakijigamba Simba watatoka sare saba mfululizo, lakini haitakuwa hivyo.

Akizungumza na SALEHJEMBE, Bwire amesema mchezo wa saba Simba watapoteza.

“Nimewasikia hata wale wanaojiita sijui Simba Ukawa kuwa Simba itatoka sare saba. Mechi ya saba wanakutana nasi.

“Nawaambia wamepotea njia, wataona, hakutakuwa na sare na Simba watakutana na kipigo,” alijigamba Bwire.

Tayari msemaji huyo mwenye maneno lundo alishamuambia Kocha Patrick Phiri wa Simba abebe mabegi yake kabisa na kwenda nayo uwanjani siku ya mechi hiyo ili ikiisha aanze safari ya kwenda kwao Zambia.