MSUVA AFUNGUKA KUHUSIANA NA SIMBA, AWAAMBIE WAMWACHE WANAMCHANGANYA

Kiungo mshambuliaji mwenye kasi wa Yanga, Simon Msuva amefunguka na kuwaambia Simba kwamba aingependa waendelee kumzungumzia.

Msuva amesema kama Simba wanamhitaji, vizuri wakafuata utaratibu na kuzungumza na Yanga kuliko kuendelea kumzungumzia kwa kuwa wanamchanganya.

Msuva kutoka mkoani Iringa amesema mkataba wake wa mwaka miaka miwili na Yanga ambao umebaki mwaka mmoja na nusu, unamfanya ahamishie mawazo yake yote Jangwani.

“Kwa kweli niko ndani ya mkataba, hivyo nawaomba Simba wazungumze na Yanga kuliko kuendelea kunizungumzia.

Vitu vinavyofuata utaratibu ndiyo bora, nisingependa kuona wanaendelea kunizungumzia kila wakati, inanichanganya kwa kweli.

“Nauheshimu mkataba wangu na matumaini yangu makubwa ni Yanga kwa sasa,” alisema Msuva.

Tayari Simba imesema itapeleka barua Yanga kumtaka Msuva kwa dau la Sh 500,000, lakini Yanga wamekuwa wakisisitiza, hakuna barua yoyote kutoka Simba na badala yake wamekuwa wakisikia kwenye vyombo vya habari tu.