MWAMBUSI ASEMA MWENYEWE; NIMEBWAGA MANYANGA MBEYA CITY

Kocha Juma Mwambusi, ametangaza rasmi kuachia nafasi ya kuifundisha Mbeya City.

Mwambusi amezungumza na SALEHJEMBE kuwa ameamua kuachia ngazi kabla mambo hayajawa mabaya.
Mwambusi amesema wachezaji wamekuwa wanadai fedha zai kwa klabu na kusababisha kuchangia kushuka kwa kiwango.
"Kwa kweli wamekuwa wakilalamika kwamba wanaidai klabu, lakini nimewasisitiza wacheze huku wakiendelea kudai, lakini naona bado hali si nzuri.
"Kabla ya hali haijwa ngumu, mimi nimeamua kuachia nafasi hii," alisema Mwambusi.
Lakini Katibu Mkuu wa Mbeya City, Emmanuel Kimbe ameendelea kusisitiza kuwa wanamtambua Mwambusi kama kocha wao.
"Naendelea kusisitiza, hatuna taarifa rasmi kuhusiana na kocha kuachia ngazi," alisema Kimbe.
Mbeya City ikipoteza mechi nne kati ya saba ambazo imecheza za mzunguko wa kwanza.