MAKAMU MWENYEKITI YANGA ATUA MAZOEZINI KUREKEBISHA MAMBO

  

Kuonyesha kweli Yanga wamepania kushinda mechi ya Jumapili dhidi ya Azam FC, jana uongozi wa juu karibu wote ulifika mazoezini Boko jijini Dar.

Makamu Mwenyekiti wa Yanga, Clement Sanga alihudhuria mazoezi hayo na kufanya mazungumzo na Kocha Hans van der Pluijm.

Pamoja na kuzungumza na Pluijm, baadaye Sanga alizungumza na Kocha Msaizidi, Charles Boniface Mkwasa akionekana kufuatilia mambo kadhaa.

Yanga inakutana na Azam FC katika mechi ya Ligi Kuu Bara inayopigwa Jumapili kwenye Uwanja wa Taifa.

Mechi hiyo inatarajiwa kuwa na upinzani mkali huku Azam FC wakiwa wamepania kulipa kisasi cha kufungwa kwenye mechi ya Ngao ya Jamii.