KIMENUKA! MANJI AMFUNGULIA MASHITAKA KIONGOZI SIMBA, NI ILE ISHU YA MTOTO, POLISI WAMSAKA

MASHITAKA....

Unaweza kusema sasa kimenuka, Mwenyekiti wa Yanga, Yusuf Manji ameamua kumfungulia mashitaka mjumbe wa Kamati ya Utendaji ya Simba, Musleh Al Rawah.

Taarifa zinaeleza kwamba askari polisi wameanza kazi ya kumtafuta kiongozi huyo wa Simba.

Manji amefungua mashitaka akimtuhumu Musley kumsukuma mwanaye na kumjeruhi mara tu baada ya mechi ya watani Yanga dhidi ya Simba ambao waliibuka na ushindi wa bao 1-0, jana.

RIPOTI YA DAKTARI INAYOONYESHA MTOTO WA MANJI ALIVYOUMIA...

Habari za uhakika huku SALEHJEMBE ikinasa vithibitisho vinavyoonyesha Manji kufungua kesi hiyo kupitia mwanaye Mehbub Ally mwenye umri wa miaka 12 anayedaiwa kusukumwa na Muslye kwenye lifti.

“Kweli, Manji amefungua kesi ndugu yangu. Awali tuliona suala hili kama utani, lakini inaonekana hataki mzaha kwa watoto wake.

MUSLEY...

“Tulimpeleka mtoto wake kwenye hospitali mara tu baada ya tukio lile la kusukumwa pale uwanja wa taifa na baadaye tukaenda hadi polisi na kufungua kesi.

“Unajua Manji kakasirishwa sana na kitendo cha mwanaye kusukumwa, wakati tunaondoka kurejea nyumbani, Ally alikuwa akilia kwamba mguu unauma ndiyo tukaenda hospitali.

MANJI...

“Baada ya kuonekana ameumia kidole cha mguu, kuna mfupa umeweka ufa, Manji akachanganyikiwa, akawa mbogo,” kilieleza chanzo cha uhakika.

Jana, Manji alitaka kumvamia Musley baada ya kudai alimsukuma mwanaye, lakini Musley akasema ilikuwa bahati mbaya na aliahidi kumuomba radhi Manji na mwanaye kwamba hakukusudia kufanya vile.