MWILI WA MARSH WAWASILI JIJINI MWANZA, KUAGWA KESHO ALIPOANZIA KUCHEZA SOKA

 

Mwili wa kocha Sylvester Marsh umewasili leo jioni jijini Mwanza.

Mwili huo umewasili na kupokelewa na wadau mbalimbali wa soka wa Mwanza wakiongozwa na Khalfan Ngassa na Rashid Abdallah.

VIJANA WAKIWA NA MAJONZI MAKUBWA WAKATI WAKIUSUBIRI MWILI WA MARSH NYUMBANI KWAKE MTAA WA USUMAU, MIRONGO.

Wadau kadhaa walisafiri hadi nje ya jiji la Mwanza kuupokea mwili wa Marsh ambao uliondoka jijini Dar es Salaam na Toyota Coaster ya Shirikisho la Soka Tanzania (TFF).

Mwili wa Marsh utaagwa kesho katika viwanja vya Mirongo ambako alianza kucheza soka akiwa mdogo na baadaye kuanzia kituo cha kukuza watoto.