MTIBWA YAAMKA, YAPATA USHINDI KIDUCHU DHIDI YA PRISONS

Baada ya kwenda mwendo wa kusuasua, hatimaye Mtibwa Sugar imeamka baada ya kupata ushindi wa bao 1-0 dhidi ya Prisons ya Mbeya.

Katika mchezo uliochezwa leo kwenye Uwanja wa Manungu Complex mjini Turiani, Mtibwa Sugar ilipata bao pekee kupitia nahodha wake, Shabani Nditi.

Nditi alifunga bao hilo kwa mkwaju wa penalti baada ya mshambuliaji mkongwe, Mussa Hassan Mgosi kuangushwa katika eneo la hatari.

Kwa ushindi huo, Mtibwa Sugar imefikisha pointi 27 na kuchupa kutoka nafasi ya 11 hadi ya nane.

Mechi ilikuwa ngumu na ya ushindani mkubwa, lakini Mtibwa Siugar ndiyo ilipoteza nafasi nyingi zaidi za kufunga mabao.