Mtibwa Sugar ya Turiani Morogoro ilianza Ligi Kuu Bara kwa
kishindo na kuongoza kwa wiki kadhaa kabla ya kupotea, lakini kocha wake, Mecky
Maxime amesema wanaodhani kikosi chake kitashuka daraja imekula kwao.
Kikosi hicho kipo nafasi ya sita katika ligi
kikiwa na pointi 27, Jumatano iliyopita kilizinduka na kuifunga Prisons bao 1-0
japokuwa kilikuwa kikisuasua katika mechi zake za hivi karibuni.
Maxime alisema: “Nimekuwa nikitolewa maneno ya
kejeli na baadhi ya watu kuwa tutashuka daraja, nataka kuwaambia kwamba
hatushuki daraja ng’o hata iweje.”
Alisema wachezaji wake wote wako fiti ambapo
kila mmoja ana morali ya kupata ushindi kwenye michezo yote iliyobaki ili
kuhakikisha hawashuki daraja kwa lengo la kuwaziba midomo wanaowabeza.
“Tunajua ligi ina ugumu wake lakini kwa sasa
lengo tetu ni kuhakikisha tunashinda michezo yote iliyobaki ili tubaki katika
ligi, hakuna anayependa kufungwa na yaliyotokea ni sehemu ya mchezo tu,”
alisema Maxime nahodha wa zamani wa Taifa Stars.
0 COMMENTS:
Post a Comment