MSHAMBULIAJI MPYA WA SIMBA NI BORUSSIA DORTMUND DAMU

Mshambuliaji mpya wa Simba, Laudit Mavugo ni shabiki wa kutupwa wa Borussia Dortmund.

Mavugo amekuwa akivaa jezi ya Dortmund, moja ya timu vigogo ambayo msimu uliopita haukuwa wa neema kwake.

Mshambuliaji huyo ambaye taarifa za uhakika zinaeleza ameishasaini mkataba wa miaka miwili na Simba, ameonekana katika picha kadhaa akiwa amepiga uzi huo wa njano na nyeusi unaotumiwa na Dortmund.

Atakapotua nchini, inaonekana wazi atakuwa na wakati mgumu kuvaa uzi wa timu hiyo kwa kuwa Msimbazi, mambo ni nyekundu na nyeupe na anayevaa jezi ya njano, anaonekana kama msaliti.