BEKI WA ZAMANI WA SIMBA ATAMBULISHWA UJERUMANI

 

MGETA (WA PILI KUSHOTO), WAKATI WA KUTAMBULISHWA, LEO. WA KWANZA KUSHOTO NI KOCHA WA TIMU HIYO.

Beki wa zamani wa Simba, Emily Mugeta ametambulishwa leo rasmi katika klabu yake ya Neckarsulm ya Ujerumani inayoshiriki ligi daraja la tano.

Mgeta ambaye aliwahi kuichezea timu ya taifa ya vijana chini ya miaka 17, alikuwa miongoni mwa wachezaji wapya zaidi ya wanne waliotambulishwa.

"Kweli leo ndiyo tumetambulishwa, lakini tulikuwa tumeanza mazoezi. Mimi pia nimekuwa nikianza mazoezi yangu binafsi," alisema Mgeta.

Kinda huyo anakuwa mmoja wa Watanzania wachache wanaocheza soka la kulipwa nje ya Tanzania.