AZAM FC SASA KAMILI, MUGIRANEZA, KAVUMBAGU WAUNGANA NA WENZAO

Kikosi cha Azam FC sasa kipo kamili kwa ajili ya maandalizi ya msimu mpya.

Wachezaji karibu wote wa Azam FC wamejiunga na timu hiyo wakitokea katika majukumu mbalimbali.

Allan Wanga raia wa Kenya ameishaungana na wenzake baada ya kukaa nje ya kikosi hicho kutokana na msiba wa mama yake mzazi.

Jean Baptiste Mugiraneza 'Migi'naye amejiunga na Azam FC akitokea kwao Rwanda ambako alikwenda kuichezea timu yake ya taifa ikipambana na Rwanda iliyopoteza kwa bao 1-0 dhidi ya Ghana.

Mchezaji mwingine ambaye amejiunga na Azam FC ni Didier Kavumbagu ambaye alikwenda Burundi kuitumikia timu ya taifa.

Msemaji wa Azam FC, Jaffar Iddi Maganga amesema kila kitu kinakwenda vizuri na kwa pamoja wameanza maandalizi.

“Unaweza kusema kikosi ssa kimekamilika na mazoezi ya pamoja sasa yameanza,” alisema.