Na Fahad Ally, Tanga
Kocha Mkuu wa Simba, Dylan Kerr amesema kamwe
hakutakuwa na dharau katika mechi dhidi ya Mgambo kwenye Uwanja wa Mkwakwani
mjini Yanga, kesho.
Kerr raia wa Uingereza amesema bado wanakiboresha
kikosi chao lakini wangependa kushinda kila mechi mbele yao kwa ajili ya
morali.
“Nani kasema tunadharau, hatuwezi kufanya hivyo
hata kidogo. Katika soka hakuna mkubwa na mdogo, unachotakiwa ni kushinda ndiyo
utakuwa mkubwa.
“Sasa tunataka kuhakikisha tunashinda ili kuiinua
moraki yake. Tunaamini kila kikosi ni bora,” alisema Kerr.
Simba ilianza Ligi Kuu Bara kwa ushindi wa bao
1-0 dhidi ya African Sports hapo Mkwakwani. Lakini haikuonyesha kiwango kizuri
cha kuvutia sana.
Jana Simba iliendelea na mazoezi mjini hapa
kuhakikisha inakuwa fiti kwa ajili ya mechi hiyo.
0 COMMENTS:
Post a Comment