SIKILIZA KAULI YA MAGULI BAADA YA NYOSSO KURUDIA MADUDU YAKE

MAGULI AKIMTUPA NYOSSO WAKATI AKIWA SIMBA...

Mshambuliaji wa Stand United, Elius Maguli ambaye leo anashuka dimbani kuivaa Simba katika mechi ya Ligi Kuu Bara, ameonyesha kushangazwa na beki Juma Nyosso kurudia madudu yake.

Maguli amesema Nyosso hafai katika soka na kumuita ni muhuni anayetaka kuwadhalilisha wanasoka wenzake wanaocheza soka.

“Hakika anasitahili kufungiwa, si mtu mwema. Anataka kutudharirusha tunaocheza ligi kuu.

“Unakumbuka alivyonifanyia mimi. Watu wakasema kwamba gazeti la CHAMPIONI ndiyo lilinidhalilisha. Wengine wakamtetea sana.

“Sasa leo kafanya tena kwa Bocco, waliomtetea sijui watasema nini tena. Afungiwe aachane kabisa na soka,” alisema Maguli.