STARS YATUA SALAMA, MOJA KWA MOJA KAMBINI, LEO MAZOEZINI

Baada ya safari ya saa 7 angani kutoka Istanbul nchini Uturuki, Taifa Stars imerejea salama nchini na kupitiliza moja kwa moja kambini.

Chini ya Kocha Charles Boniface Mkwasa, Stars inatarajia kuendelea na mazoezi leo jioni kwenye Uwanja wa Taifa jijini Dar es Salaam.

Stars imeweka kambi ya zaidi ya wiki moja katika mji wa Karwtepe nchini Uturuki kujiandaa na mechi ya Jumamosi Septemba 5 dhidi ya Nigeria kwenye Uwanja wa Taifa jijini Dar es Salaam.