Shirikisho la Soka Tanzania (TFF), liko katika harakati za
kumpa mkataba mrefu Kocha Charles Boniface Mkwasa.
Kuna taarifa kwamba huenda mazungumzo kati ya Mkwasa na TFF
yakafanyika ndani ya siku tatu hizi.
“Kweli kocha anatakiwa apewe mkataba mrefu, mwanzo alipewa
mdupi wa muda tu. Kuna utaratibu uanandaliwa kutakuwa na mazungumzo,” kilieleza
chanzo.
Taarifa zinaeleza Mkwasa yuko tayari kuwasiliza TFF wanasema
kuhusiana na suala hilo ili ajue atabaki Yanga au ataondoka zake.
Mkwasa ameiongoza Stars katika mechi mbili, moja ile ya
marudiano ya kuwania kucheza Chan ambayo matokeo yalikuwa 1-1 kabla ya kukutana
na Nigeria kuwania kucheza Afcon na sare ya 0-0 ikawa ndiyo matokeo.
Kiwango kizuri ilichoonyesha Stars katika mechi hizo, hasa
dhidi ya Nigeria kimeonyesha kukubalika.
0 COMMENTS:
Post a Comment