ADHABU YA SH LAKI TANO YAMNYEMELEA N'DAW, MZEE WA 'POWER BANK'

WACHEZAJI WA PRISONS WAKIMGOMBEA N'DAW BAADA YA KUJUA ANA HIRIZI KIUNONI...

Mshambuliaji Msenegali wa Simba, Pape N'daw anaweza kukumbana na adhabu ya kutozwa faini ya Sh 500,000 kutokana na kuonekana akiwa amevaa hirizi wakati wa mechi kati ya timu yake dhidi ya Prisons kwenye UWanja wa Sokoine, jana.

N'daw alizua tafrani baada ya wachezaji wa Prisons kugundua alikuwa na 'power bank' hiyo na kusababisha mwamuzi kumtoa nje aende akaivue.

Kanuni ya 25, udhibiti wa wachezaji kipengele g(vi)

 kinasema mchezaji atakayejihusisha na masuala ya kishirikina wakati wa mchezo atatozwa faini ya Sh 500,000.

Hata hivyo, majibu ya adhabu, yatategemea kamisaa wa mchezo huo ataandika nini katika ripoti yake na mwamuzi wa akiba aliyeingia chumbani na N'daw wakati aekienda kushusha mzigo huo kilikuwa ni kitu gani.