STARS WAINGIA MTAANI ALGERIA, MASHABIKI WASHANGAA KUWAONA WAKIKATIZA MITAA

Wakati mechi ni leo usiku, kikosi cha Taifa Stars kimeingia mtaani na kuanza kupiga misele.

Wachezaji wa taifa Stars wakiongozwa na Mbwana Samatta, Thomas Ulimwengu, nahodha Nadir Haroub ‘Cannavaro’, waliingia mtaani na kutembea maeneo mbalimbali.

Hali hiyo ilizua taharuki kwa mashabiki wa soka wa Algeria ambao wanajua Stars itaivaa timu yao leo usiku kuwania kufuzu kucheza hatua ya makundi kwa ajili ya Kombe la Dunia.

Katika mechi ya kwanza jijini Dar es Salaam, Algeria walilazimika kusawazisha mabao mawili ili kupata sare ya 2-2.