KIONGERA AWA GUMZO KWA MASHABIKI SIMBA, AAMSHA MATUMAINI UPYA KABISA

Kurejea kwa mshambuliaji Paul Kiongera imekuwa ni faraja kubwa kwa mashabiki wa Simba.

Mashabiki wa Simba wamekuwa wakijadili katika mitandao kuhusiana na kurejea kwa Kiongera ambaye amejiunga na wenzake katika kambi ya Simba mjini Zanzibar na kuanza mazoezi.

Katika mitandao mbalimbali, mashabiki hao wameonyesha kurudi kwa matumaini kwamba Kiongera akisaidia na Hamisi Kiiza, Ibrahim Ajibu na washambuliaji wengine, basi kuna kila sababu ya Simba kurejea.

Mijadala hiyo inaonyesha kupungua kwa hofu kuu iliyokuwa imewazunguka mashabiki hao kutokana na safu yao ya ushambuliaji.

Kiongera alipelekwa kwa mkopo KCB baada ya kuwa Simba imemsafirisha na kumpatia matibabu nchini India alipoumia wakati akiichezea Simba katika mechi ya ufunguzi wa Ligi Kuu Bara dhidi ya Coastal Union.

Baada ya kuanza kucheza Kenya akiwa na KCB, Kiongera alionyesha uwezo mzuri ikiwa ni pamoja na kufunga mabao mfululizo.