MSIYEMTAKA YUKO ZENJI; KIONGERA ATUA KAMBINI, AUNGANA NA WENZAKE

Mshambuliaji Paul Kiongera ameungana na wenzake kambini mjini Zanzibar.

Kiongera raia wa Kenya ambaye alikuwa akisubiriwa kwa hamu na mashabiki wa Simba, tayari “yuko mzigoni”.

Taarifa za uhakika zimeeleza Mkenya huyo aliyepelekwa kwa mkopo KCB, yuko kambini Zanzibar.

Kutua kwa Kiongera maana yake Simba imeongeza nguvu katika safu yake ya ushambuliaji ambayo ilikuwa inasua.

Mkenya huyo aliichezea Simba mechi moja tu ya Ligi Kuu Bara ambayo ilikuwa ni ni dhidi ya Coastal Union , bahati mbaya akaumia.

Simba ikaamua kumuacha apate muda wa kupata matibabu na nafasi yake ikachukuliwa na wachezaji wengine ambao hata hivyo walishindwa kuonyesha cheche.