NEVILLE AANZA KAZI KWA KUWAALIKA MASHABIKI WA VALENCIA KUSHUHUDIA MAZOEZI

Kocha Mkuu mpya wa Valencia, Gary Neville ameanza kazi kwa kuwaalika mashabiki wa timu hiyo kuhudhuria.

Neville beki wa zamani wa Manchester United ambaye msaidizi wake ni mdogo wake Phil Neville ameanza mazoezi hayo kwenye viwanja vya mazoezi vya timu hiyo vya Ciudad Deportiva de Paterna.

Mechi yake ya kwanza itakuwa ni kesho Jumatano wakati atakapocheza na Lyon na anatakiwa kushinda ili kutoka kundi H katika Ligi ya Mabingwa Ulaya hadi hatua ya mtoano.

Valencia ni moja ya timu kongwe nchini Hispania na imekuwa ikifanya vizuri katika La Liga na Ulaya, jambo ambalo ni mtihani mkubwa kwa kina Neville.