CHANONGO, UBWA WAULA, WAPATA NAFASI YA KUFANYA MAJARIBIO TP MAZEMBE

CHANONGO WAKATI AKIWA SIMBA. SASA ANAKIPIGA STAND UNITED.

Beki Abuu Ubwa na mshambuliaji, Harun Chanongo wamepata dili la kufanya majaribio katika klabu ya TP Mazembe.

Mkurugenzi wa Michezo wa TP Mazembe, Frederic Kitenge amesema Ubwa na Chanongo. wote wanaokipiga katika klabu ya Stand United watafanya majaribio kwa wiki mbili.

KITENGE (KUSHOTO)

“Tumekubaliana na meneja wao, Jamal Kisongo kuwa hawa waje Congo kufanya majaribio na baada ya hapo tutaangalia nafasi yao.

“Tumeamua kutoa nafasi kwao kwa kuwa tunaamini Tanzania kuna vipaji, itakuwa nafasi kwao kutudhihirishia kama wanaweza, basi tutaingia katika mazungumzo,” alisema Kitenge.

UBWA (WA KWANZA KULIA WALIOSIMAMA) NA CHANONGO (WA PILI KUSHOTO MSITARI WA MBELE) WAKIWA NA KIKOSI CHA STAND.

Taarifa zinaeleza jana kwamba walikaa kikao jijini Dar es Salaam na Kitenge akazungumza na wachezaji hao kabla ya kukubaliana kuhusiana na hilo.