SAMATTA ATOA SHUKURANI TENA KWA WADAU NA WATANZANIA KWA UJUMLA

Mshambuliaji wa TP Mazembe, Mbwana Samatta kwa mara nyingine amewashukuru Watanzania na wadau wote wa michezo wanaomuunga mkono.

Samatta ametoa shukurani hizo wakati wa hafla fupi ya kumuaga iliyofanyika jijini Dar es Salaam, leo.

Samatta amesema amekuwa akifarijika tokea arejee nyumbani na tuzo ya Mwanasoka Bora Afrika anayecheza Afrika kutokana na Watanzania kuendelea kumfariji.

“Naendelea kusema tena ninashukuru kwa sapoti yenu, najua nimesema hivi mara kadhaa. Lakini si vibaya kushukuru tena” alisema.

Samatta amezidi kuwa gumzo na lulu baada ya kufanikiwa kutwaa tuzo hiyo ya mwanasoka bora Afrika na kuweka rekodi mpya Tanzania.