SARE YA AZAM DHIDI YA AFRICAN SPORTS, YAIPA NAFASI YANGA IRUDI KILELENI

Sare ya bao 1-1 waliyopata Azam FC dhidi ya African Sports, imewapa nafasi Yanga kurejea kileleni.

Hata hivyo, lazima wafanye kazi kwanza ili kurejea na kinachotakiwa ni kushinda mechi yao dhidi ya Ndanda FC ambao wanaonekana wamejiandaa pia.

Azam FC imepata sare hiyo ikiwa nyumbani Azam Complex, Chamazi huku ikionyesha kiwango cha angalau.

Azam FC ndiyo iko kileleni na pointi 35, Yanga inafuatia ikiwa 33. Iwapo itashinda hata kama ni 1-0, moja kwa moja itapaa kileleni kwa kuwa ina uwiano mzuri wa mabao ya kufunga na kufungwa.

Yanga imefunga mabao 30 na kufungwa 5, GD yake ni mabao 25 huku Azam FC ikiwa imefunga 27 na kufungwa 8 maana yake ina GD ya mabao 19.