KIM POULSEN ATUA TAIFA KUZISHUHUDIA SIMBA, MTIBWA ZIKIONYESHANA KAZI

Kocha Kim Poulsen ameonekana hadharani Uwanja wa Taifa wakati Simba na Mtibwa Sugar zikipambana.

Taraifa za Poulsen kutakiwa kurejea kwa ajili ya timu za vijana za taifa zilizagaa baada ya picha yake kuonekana mtandaoni akiwa na Rais wa TFF, Jamal Malinzi.

Lakini baadaye Malinzi alifafanua kwamba alimualika chakula cha mchana kama kawaida. Lakini taarifa nyingine zilieleza kwamba ni kweli, TFF iko katika mchakato wa kuhakikisha inamrejesha.

Kim raia wa Denmark aliwahi kuwa Kocha wa timu ya vijana ya taifa na baadaye Taifa Stars lakini mwishoni uongozi wa Malinzi ulipoingia madarakani, ukamng’oa katika ile safishasafisha “Wa enzi za Tenga”.